Қайтару, айырбастау және наразылықтар

Тиісті сападағы тауарды қайтару — 14 күн

Жабдық пайдаланылмаған болса және оның тауарлық түрі, тұтынушылық қасиеттері, пломбалары, заттаңбалары, сондай-ақ сатып алу фактісін растайтын құжат сақталса, оны сатып алған күннен бастап күнтізбелік 14 күн ішінде айырбастай аласыз. Бізде ұқсас тауар болмаса, ақшаңызды қайтарамыз.

Тиісті сападағы тауарды қайтарып берген кезде оны бізге жеткізу шығыстарын сатып алушы көтереді.

Айырбастауға және қайтарып беруге жатпайды: метрлеп сатылатын сымдар, баулар және кабельдер.

Назар аударыңыз: үздіксіз қуат беру жүйелері, инверторлар, аккумуляторлық модульдер және күн панельдері Қазақстан Республикасының заңнамасы бойынша техникалық жағынан күрделі тауарларға жатпайды және жалпы негіздерде қайтарып беріледі.

Кемшілік табылса

Сіз өз таңдауыңыз бойынша мыналарды талап етуге құқылысыз:

• бағаны мөлшерлес кемітуді;
• кемшілікті өтеусіз жоюды;
• оны жоюға жұмсаған шығыстарыңызды өтеуді;
• дәл сондай тауарға ауыстыруды;
• бағаны қайта есептей отырып, басқа маркалы тауарға ауыстыруды;
• шартты бұзуды және ақшаны қайтаруды.

Сонымен қатар залалды өтеуді талап етуге құқылысыз.

Мерзімдер: ауыстыру — дереу; сапаны тексеру қажет болса — күнтізбелік 30 күнге дейін; тауар қоймада болмаса — күнтізбелік 10 күнге дейін. Жөндеу — күнтізбелік 10 күнге дейін; тараптардың келісімі бойынша бұл мерзім ең көбі күнтізбелік 20 күнге дейін ұзартылуы мүмкін, ал одан әрі оны тағы 10 күнге бір рет ұзартуға болады.

Қосалқы бөлшектердің болмауы біз үшін сылтау бола алмайды және бізді кепілдік міндеттемелерден босатпайды.

Кемшілігі бар тауарды жеткізу және қайтарып беру шығыстарын біз төлейміз.

Сараптама біздің есебімізден жүргізіледі, сіз оған қатысуға құқылысыз. Егер сараптама кемшіліктің сіздің кінәңізден пайда болғанын көрсетсе, сараптама жүргізуге және тауарды тасымалдауға жұмсалған шығыстарды сіз өтейсіз.

Ақшаны қайтару кезінде біз тауардың пайдаланылуы немесе тауарлық түрін жоғалтуы себепті оның құны төмендеген соманы ұстап қалмаймыз.

Кепілдік

Инвертор — 2 жыл, аккумуляторлық модульдер — 5 жыл; мерзім тауар берілген кезден бастап, ал орнату, қосу немесе жинау қажет болса, олар орындалған кезден бастап есептеледі. Кепілдік мерзімі жөндеу уақытына ұзартылады; жөндеуден кейін ұзарту туралы сізге жазбаша хабарлаймыз. Тауар ауыстырылған кезде кепілдік мерзімі қайтадан есептеледі.

Наразылықты қалай беруге болады

Наразылықты жеке тапсыруға, «Smart Watt» ЖШС мекенжайына тапсырысты хатпен жіберуге немесе ps@smartwatt.kz электрондық поштасына жолдауға болады.

Біз оны қараймыз және талаптарыңызбен келіспесек, күнтізбелік 10 күн ішінде құжатпен негізделген дәлелді жазбаша жауап береміз.

Талаптарыңызды орындау мерзімін өткізіп алсақ, мерзімі өткен әрбір күн үшін тауар құнының 1% мөлшерінде тұрақсыздық айыбын төлейміз.

Мәселе шешілмесе, тұтынушылардың құқықтарын қорғау саласындағы уәкілетті органға, тұтынушылық дауларды сотқа дейінгі реттеу субъектілеріне, eOtinish порталы арқылы немесе сотқа жүгінуге құқылысыз.